Psa 63 | NdeBEN | STEP | Ihubo likaDavida eseNkangala yakoJuda. Oh Nkulunkulu, unguNkulunkulu wami, ngiyakudinga ngitshiseka; umphefumulo wami uyakomela, umzimba wami uyakudinga, elizweni elomileyo eseligugile lapho okungelamanzi khona.

Psalms 63

Ihubo likaDavida eseNkangala yakoJuda.

1 Oh Nkulunkulu, unguNkulunkulu wami,
ngiyakudinga ngitshiseka;
umphefumulo wami uyakomela,
umzimba wami uyakudinga,
elizweni elomileyo eseligugile
lapho okungelamanzi khona.

2 Ngikubonile endlini Yakho engcwele
ngawabona amandla Akho lenkazimulo Yakho.
3 Ngoba uthando Lwakho lungcono kulempilo,
izindebe zami zizakutsho inkazimulo Yakho.
4 Ngizakudumisa kokuphela nxa ngisaphila,
ngebizo lakho ngizaphakamisa izandla zami.
5 Umphefumulo wami uzasuthiswa ngokudla okuhle okuphilisayo;
ngezindebe ezihlabelayo umlomo wami uzakudumisa.

6 Ngisembhedeni wami ngiyakhumbula;
ngiyakukhumbula lanxa ngisemlindweni wasebusuku.
7 Ngoba ulusizo lwami,
ngiyahlabelela ngisemthunzini wamaphiko Akho.
8 Umphefumulo wami unamathele Kuwe;
isandla sakho sokunene siyangisekela.

9 Labo abazingela impilo yami bazabhujiswa;
bazakwehlela phansi ekujuleni komhlabathi.
10 Bazakwabelwa ukudliwa yinkemba
babe yikudla kwamakhanka.

11 Kodwa inkosi izathokoza kuNkulunkulu;
bonke abafunga ngebizo likaNkulunkulu bazamdumisa,
ikanti imilomo yabaqamba amanga izathuliswa.